Karancin Sha'awa Saboda Rashin Daidaituwar Sinadaran Hormones A Jikin Mace
Karancin sinadaran hormones na jima'i da sauye-sauyen halittar mace (female sex hormones) na iya haddasa dallashewar sha'awar mace. Alamomin karancin sinadarin su ne: jin zafi wajen jima'i saboda rashin zubar ruwan ni'ima a gaban mace, jinin haila mai wasa, karuwar jin zafi yayin fitsari da cututtukan mafitsara (UTIs), yawan É“acin rai ba gaira ba dalili, ciwon nono, zubar ruwan nono, ciwon kai, ciwon damuwa, kasala, wuyar lura ko nazarin, da dai sauransu.
Abubuwan da kan iya haddasa ƙarancin sinadaran sun haɗa da: cutar PCOS, tsananin motsa jiki ko rashin motsa jiki, rashin bacci , rashin cin abinci saboda tsoron yin ƙiba da dai sauransu. Haka kuma, ga mata waɗanda suka haura shekara 40 ƙarancin sinadaran na iya zama alama ne cewa sun kusa daina yin jinin al'ada. Don haka sai aga likita domin magance matsalar ko a nemi magani.
Budewar gaban Mace
Rashin tsukakken gaba yanda zai damƙi azzakari da kyau domin samar da jin ɗanɗanon fata-da -fata a matse. Buɗewar gaba ƙalubale ne da ke sanya raguwar jindaɗi a tsakanin ma'aurata. Sau da yawa ma'auratan biyu ba za su sami gamsuwa ba da kyau, sannan macen baza ta iya kai ƙololuwar jindaɗi ba (orgasm). Akwai salon kwanciya da magunguna na zamani da zasu iya magance wannan matsala ta budewar gaban mace
Kaciyar Mata
Kaciyar mata (female circumcision) wadda wanzami yake yanke belin mace (clitoris) da yawa fiye da yanda ya dace. Yin hakan na daƙushe sha'awar mace idan ta girma. Da yawa mata ana yanke musu sha'awa a duniya tun lokacin da suke jarirai. Wasu mutane a al'adunsu suna yanke beli ne kaɗan, wasu kuma kamar rabi ne ake fillewa, wasu kuma cire shi suke duka, wato yanke shi suke ga baki ɗaya.
Yanke beli dayawa ko duka matsalace dake hana mace jindaÉ—in saduwar aure ko jima'i kwata-kwata, domin kuwa beli (clitoris) shi ne hedkwatar jindaÉ—in jima'in mace. Kamar yadda dai malamai su ke ta bayani cewa yin kaciyar mata mustahabbi ne a Musulunci.
Shari'a kuma tayi nuni da cewa ka da a wuce gona da iri wurin yankan, ba kamar yanda wasu wanzamai ke aikatawa ba yanzu. To sai a nemi bayanan malaman sunnah domin fahimtar mas'alar baki É—aya. Bugu da kari, za'a iya neman magani domin inganta jindaÉ—in saduwar aure.
Shan Wasu Magunguna
Ko shakka babu akwai nau'o'in magungunan turawa ko gargajiya da suke iya daƙushe sha'awar 'ya mace, misali magungunan da ake bayarwa domin rage ciwon damuwa ko tsananin ɓacin zuciyar mutum (antidepressants) da sauransu.
Kina mamakin cewa ada kina da sha'awa amma yanzu shiru ne? tohm yana yiwuwa waÉ—annan magungunan da kike sha wata da watanni ne, ko cikin satin nan, su ne ke sace miki sha'awa. Yana da kyau duk maganin da aka bawa marar lafiya a asibiti ko wani wuri yasan muhimmai daga cikin matsalolin da maganin ke iya kawo wa ("side-effects" nashi) don kada wani abu ya dame shi bai san abin da ya ja masa ba.
Rashin Cin Abinci Mai Lafiya
Idan mace ba ta samun cin abinci mai kyau ta ƙoshi wanda zai inganta lafiyarta da jikinta da sinadarai na ni'ima, to sha'awarta tamkar shuka ce wadda ba ta samun ruwa, wadda za ta mutu. Kifi, naman kaza, madara, madarar yogort, hanta, ƙwai, zuma, dabino, aya, gyaɗa, kankana, aiba da sauran abincin mai gina jiki da kuzari tare da 'ya'yan itatuwa zasu iya cika mace da sha'awa da ni'ima bayan ɗaukewar sha'awa.
WaÉ—annan abubuwan marmari da abinci tamkar taki ne da ruwa ga shuka, wato sha'awar 'ya mace. Don haka mazaje su siyama matansu kayan dadi domin moruwa daidai gwargwadon hali.
Saurin Kawowar Maigida
Wannan matsalar na da alaƙa da mazan aure kai tsaye. Wannan matsalar na cutar da mata sosai kuma wani lokacin tana da alaƙa kai tsaye da rashin ƙarfin. Idan akwai karfin mazakuta ga namiji ko da azzakarin ba babba ba ne zai iya gamsar da iyalinsa idan akwai ƙarfi sosai, kuma zai daɗe yana saduwa da iyalinsa har ta biya buƙatar ta.
Haka kuma idan muka kalli matsalar ta wani mahangar, zamu iya gane cewa hakan na faruwa ne saboda rashin sha'awar namiji - wato sinadaran hormones na jima'in sa (sex hormones) sun ragu ko sunyi ƙasa, ko kuma hawan-jini ko ciwon-suga su ke haddasa masa matsalar ko ma yawan sinadarin kolesterol ko wasu matsalolin zagayawar jini duk zasu iya taruwa su daƙushe wa namiji mazakuta.
Don haka cin abinci mai inganta lafiya da harkar saduwa ko magani mai kyau da likita yayi izinin ayi amfani dashi zai iya gyara matsalar. Mafi yawan lokuta mata na bukatar tsawon lokaci kamin su kawo (ma'ana kamin su kai ƙololuwar jindaɗi saduwa / orgasm) saɓanin lokacin da maza da dama ke iya jurewa su biya musu buƙatar. Don haka, yin wasannin motsa sha'awa na tsawon lokaci (foreplay) na iya fansar lokacin da maigida ba ya iya kaiwa.
Rashin Fahimtar Yanayin Mace Da Abinda Take So Yayin Saduwa
Ko wace mace da irin buƙatun ta na jima'i ko saduwa, ko wace mace akwai irin abinda take so ayi mata da nau'in kwanciyar da take jindaɗin ta amma dayawa mata kunya na hana musu bayyana abinda suke so, don haka sai su bar mazan su cikin duhu su na ta ƙoƙarin jarraba abubuwan da basa yi musu.
Saboda haka ana son matan aure su fidda kunya domin tattaunawa da mazan su akan abin da suke so wajen jima'i da kwanciyar aure tare da mazan su, suma mazan su bayyana irin buƙatun nasu domin fahimtar juna da jindaɗin rayuwar auren su.
Haka kuma yana da kyau maigida ya rinƙa lura da yin nazari akan buƙatun wasu sassan jikin matar sa idan mai yawan kunya ce. Yau da gobe zai iya gane abin da yafi yimata daɗi wajen saduwa. Yau da gobe zaka tara ilimi mai yawa akan buƙatar matar ka amma idan har kana lura da kyau.
Sabawa Da Yin Istimna'i Kamin Aure
Idan mace na wasa da farjin ta (istimna'i) da yatsa ko wani abu da ta take sakawa a ciki domin biyawa kai buƙata (istimna'i ko kuma masturbation), zai iya sanya ta ji ba ta jin daɗin jima'i ko gamsuwa da duk wani namiji sai dole tayi istimna'in da ta saba saboda tafi kowa sanin jikin ta da mallakar sa, ta gano hanyoyin biyan buƙatun ta na shaiɗan wanda auren ta ba zai iya biya mata ba.
Musamman a cikin mata zaurawa da 'yan mata yin istimna'i abu ne da ya zama ruwan dare, dayawan mata sun saba biyawa kan su buƙata, kuma hakan zai iya shafar tarayyar su da mazan da zasu aura nan gaba. Kamar dai yadda muka yi bayani a wata wallafar mu a can baya cewa, sabawa da istimna'i yana hanawa mace gamsuwa idan tayi aure kuma yana sa mace wuyar kawowa wajen jima'i saboda koyawa jikinta da sai an taɓa wani sashen farjin ta don ta kawo, wanda mai yiwuwa ne azzakari baya iya taɓa wurin lokacin saduwa - a zahirin jima'i.
Don haka istimna'i yana sa rashin gamsuwar saduwar aure ga mace. Duk matar da ta saba da yin istimna'i kamin aure idan tayi aure mijinta zai sha wahala wajen gamsar da ita ta hanyar azzakarin sa kaÉ—ai, dole sai ya haÉ—a da yimata irin abubuwan da ta saba yi a lokacin istimna'i. Saboda jikinta ya riga ya koya, ta riga tayi wa kanta horo.
Zata rinƙa tunanin mijinta baya iya gamsar da ita saboda sabon da tayi da koyawa jikin ta hanyar gamsar da kanta fiye da hanyar da ta dace da ɗabi'a, watau hanyar jima'i a cikin sunnar aure. Mai istimna'i ta canza ɗabi'ar ta. Da yawa zaka samu cewa mata masu yawan istimna'i basu jin daɗin jima'i sai istimna'in nan kawai, koma basu gamsuwa sai sunyi istimna'i a banɗaki bayan saduwa da mazan auren su.
Wannan zai iya kawo babbar matsala a cikin aure. Saboda sabawa da istimna'i shi ke sa wasu mata su daina sha'awar namiji baki ɗaya, wasu kuma su fara sha'awar saduwa da mata 'yan uwansu, saboda saduwa mace da mace itace za ta fi samar da haƙikanin abin da suke samu a lokacin istimna'i.
Kamuwa Da Aljanin Soyayya (Jinnil Ashiq)
Aljani na iya shiga a jikin mace da sunan yana sonta ya dinga saduwa da ita ko ma ya aureta. Hakan zai sa aljanin ya hana ta aure, ko haihuwa, ko rashin zama lafiya da miji idan tayi auren, kuma zai sa mata ɗaukewar sha'awa da ni'ima ga mijin da ta aura, ko zubar jini ko ruwa mai wari ko kuma gaban mijin yaki miƙewa a duk lokacin da ya kusance ta.
Mace za ta rinƙa mafarkin ana saduwa da ita wanda shaiɗanin aljanin zai zo mata da siffar mijin ta ko wani mutum da take so, ko siffar mace yana saduwa da ita. Ko ta dinga ganin mutum tsirara a gabanta. Waɗannan suna daga cikin alamomi, kuma dalilin hana mace jin dadin jima'i ko ɗaukewar sha'awa.